آهنگ بهاره بلبل از سیوان گاگلی + متن ترانه

آهنگ دلنشین بهاره بلبل از سیوان گاگلی همراه با متن ترانه برای کاربران موزیک کار با کیفیت های مختلف قابل دانلود و شنیدن میباشد. – سیوان گاگلی – بهاره بلبل – Sayvan Gagli Bahara Bolbol –

───┤ ♩♬♫♪♭ ├───
متن آهنگ بهاره بلبل سیوان گاگلی
بەهارە بولبول، بولبول بەهارە
سەرەتای ناڵەی سەودایی زارە
وەرە بناڵین بە جووت لەشەودا
ئێمە شەو بێدار، بێ خەم لەخەودا
وا بەری بەیان سفیدەی نواند
تەم و تاریکیی لەگوڵشەن ڕەواند
دەشت و کێو هەمووی بە گوڵ خەمڵیوە
بەرگی بووکێنیی تازەی پۆشیوە
هەوری بەهاریی لە گەرد و خولدا
چیمەن گەردانەی شەونم لە ملدا
لاگیرەی زێڕە قەتارەی گوڵزار
هەیاسەی پشتە زنجیرەی ڕووبار
بەڕەزا پرچی پەخشان کردەوە
شنەی بای شەماڵ شانەی کردەوە
نێرگز بە پەنجەی یادی لێلاخان
ڕووپۆشی لادا، سەرمەست و خەندان
پەڕەندەش لەسەر لقی درەختان
هەر یەک ئاوازێ ئەڵێن بۆ بەیان

پۆڕ بە گەناسە و قومریی بە ئاواز
بوون بە دوو یاری هاودەم و هاوڕاز
کەو بە قاسپەقاسپ، کۆتر هاقەهاق
لە دڵ دەردەکەن مەینەتی فیراق
جریوەی چۆلەکە و شە‌ققەی باڵی مەل
وەک مۆسیقایە لەم کەل بۆ ئەو کەل
قوقەی کەڵەشێر، دەنگی بانگدەران
لە ئەرز تێپەڕی، گەیی بە ئاسمان
ئاسمانیش ئەوا چاو ئەکاتەوە
دنیای پڕ لە تەم ڕوون ئەکاتەوە
وەرە من و تۆش هاوڕاز و هاودڵ
من شێتی پەرچەم، تۆ شەیدای ڕووی گوڵ
تۆ بڕۆ سەرچڵ، من لە پای کۆسار
خوڕ خوڕ بڕێژین فرمێسکی خونبار
تێر و پڕ بگرین، یەک دەنگ و ئاواز
تا وا خول ئەدا گەردوونی کەچباز
هەتا پاڵ ئەدەین بە لای مەرگەوە
بەشوێن زامانی دڵ و دەردەوە
تاکو ئەچینە باوەش دایکی خاک
بە ئاهی سەرد و بە دڵی خەمناک
بپاڕێینەوە لای تاکە خوامان
بەڵکو بێتە بەر خەون و هیوامان

 
دانلود آهنگ بهاره بلبل سیوان گاگلی + پخش آنلاین
بهاره بلبل
───┤ ♩♬♫♪♭ ├───